Мектебімізде Қаныш Сәтбаев Имантайұлының құрметіне орай Несіпбек Айтұлының «Қаныш» поэмасының тұсаукесер кеші өтті.

Кеш қонақтары:

-ҚР Парламенті Сенатының депутаты, академик, Қ.Сәтбаев халықаралық қорының қамқоршылық кеңесінің төрағасы Алтынбек НУХҰЛЫ;

-Ақын, мемлекеттік сыйлықтың лауреаты, «Қаныш» поэмасының авторы Несіпбек АЙТҰЛЫ;

-Қ.Қуанышбаев атындағы мемлекеттік музыкалық драма театрының актеры Нартай САУДАНБЕКҰЛЫ болды.

Мектебіміздің «Шабыт» домбырашылар ансамблі «Сарыарқа», «Балбырауын» күйлерін шертіп, қонақтарды қарсы алды.

Кешіміздің шымылдығы оқушылар «Қаныш» поэмасынан үзінділер оқи отырып көлеңкелі театр қойылымымен ашылса, ары қарай кешіміз қадірменді қонақтарымыздың үлгі-өнегеге толы сыр-сұхбатымен жалғасын тапты.

Кеш қонағы Алтынбек НУХҰЛЫ ағамыз мектебіміздің директоры Ернұр Аханұлына Қаныш Сәтбаев медалі төсбелгісін тақты.