"Өсімдіктер әлемі" лагерінің балалары Елордамыздағы ботаникалық саябаққа барып, өсімдіктер әлемімен танысып қайтты.

Астананың ботаникалық бағы 2018 жылы құрылды.

Ботаникалық бақ ерекше қорғалатын табиғи аймақ болып саналады. Оның жалпы ауданы 89,177 гектар, соның ішінде: саябақ аймағы — 42,9 га болса, ғылыми ауданы — 46,3 га. Негізгі міндеті — сирек кездесетін және құрып кету қаупі өсімдіктерді сақтау.

Бақта екі жылыжай бар: тропикалық және суккулентті. Бақтан литопстар, непентес, банан, араукария, кумкват, цикад өсімдіктерін кездестіруге болады. Оранжереяның біріне фикус, лимон, драцен, апельсин, папоротник, пальма және басқа да тропикалық мемлекеттерден тасымалданған 1100 өсімдік отырғызылған.

Әлемде сирек кездесетін коллекциялық кактустар мен гибридтер де бар. Жылыжай ішіндегі климат бірқалыпты, 18-20 градустың шамасында. Әр жылыжайдың аумағы 700 шаршы метр, жалпы 2 мыңнан аса өсімдік түрлері өсіп өнеді.