Іс-шаралар

: 20 Қазан 2023; 148

Республика күніне орай "Әжелер клубы" мүшелері мектепалды сынып оқушылары арасында "Ұрпақтар сабақтастығы" тақырыбында іс-шара өткізілді.

Іс-шара барысында қазақ ауыз әдебиетіндегі ертегілер таныстырылып, мазмұны түсіндірілді.

: 20 Қазан 2023; 139

Ежелгі Қытай ойшылы Конфуцийдің б.з. дейінгі VI-V ғасырларда “Ардақты, киелі билік ол біреудің тәуелдігі немесе біреудің тәуелсіздігі емес, шынайы билік - ол өкімет пен жеке адам арасындағы өзара тәуелділік” – деп айтқан пікірі демократияның қазіргі ұстанымына сәйкес келе ме? Әлде, мемлекеттік басқару формасы ретінде монария артық па?

25 қазан- Республика күніне арналған: «Бұл палата демократия монархиядан артық деп есептейді.. » тақырыбында 8-9 сынып оқушылары пікір сайысып, өз ойларын ортаға салды.

: 19 Қазан 2023; 148

Астана қаласы әкімдігінің №5 қалалық емханасының гинекологы Бекмухамбетова Наргиза Маратовна "Нравственно половое воспитание" тақырыбында 8-11 сынып қыздарына дәріс өткізді.

: 19 Қазан 2023; 144

Республика күніне орай 10 "А" сынып оқушыларымен "Елінің патриоты" ойыны өткізілді.

Мақсаты: ойын арқылы оқушыларға патриоттық әрекеттерді ұғындыру, тарихи тұлғалардың ерен еңбегін насихаттау. Сонымен қатар, қырағылыққа, ширақ қимылдау мен тапқырлыққа дағдыландыру.

Ортаға бір оқушы шақырылады. Мұғалім ойыншыға еліміздің атақты, сыйлы тұлғасының есімін сыбырлайды немесе қағазға жазып көрсетеді. Оқушы сынып алдында есімін айтпай, оның еліне еткен қызметтерін сипаттай отырып, таныстырады.

: 19 Қазан 2023; 141

Мектебімізде 3 сыныптар арасында "Берекелі, мерекелі Алтын күз" тақырыбында сайыс өтті.

Мақсаты:балаларға күздің ерекше сыйы-жемістер туралы мағлұмат беру, мерекелік көңіл-күй сыйлау.

Сайыс 4 кезеңнен тұрады.

1.Таныстыру

2.Ойлан тап. (Сұрақ-жауап)

3.Әдемі сурет саламын.

4."Күзгі дастархан" (Сайыскерлер дайындап әкелген тағам түрінің жасалу жолын түсіндірді.)

Сайыстың қорытындысы бойынша

Бас жүлде "Алтын дән" тобы

I орын "Шалқан" тобы

II орын "Жүзімдер" тобы

III орын "Құлпынай" тобы иеленді.

Барлық оқушылар мектеп директорының мадақтамасымен марапатталды.

: 17 Қазан 2023; 116

Мектебімізде 2 - сыныптар арасында “Берекелі, мерекелі Алтын күз” тақырыбында сайыс өтті.

Мақсаты: Күз мезгілінің ерекшеліктерін ұғындыру. Мерекелік көңіл-күй сыйлау.

4 кезең бойынша оқушылар бақ сынасты.

1.Таныстыру.

2.Жұмбақбайдың жұмбақ әлемі.

3.Жапырақтар жинаймыз.

4.Суретшілер елінде.

Сайыс нәтижесі бойынша:

І орын “Алтын күз” тобы.

ІІ орын “Күзгі сый” тобы.

ІІІ орын “Алтын жапырақтар” тобы иеленді.

: 17 Қазан 2023; 172

Бүгін мектеп кітапханасында Мәртебелі мамандық - кітапханашы күніне орай "Артық білім кітапта ..." ағарту апталығына орай "Кітап-асыл қазына" атты сайыс сабақ 3 "Б" сынып оқушыларымен өтті.

Мақсаты: оқушылардың кітапқа ұқыптылықпен, құрметпен қарауына әсер ету, білімге және кітап оқуға қызығушылықтарын арттыру.

Сайыс сабақ кезеңдері:

І кезең. "Кітапхана - кітап үйі". Сұрақ-жауап.

ІІ кезең. Кітапты ұстау бойынша көріністер.

ІІІ кезең. "Кітап-біздің досымыз" тақырыбында өлең оқу.

ІҮ кезең. Кітап тарихына байланысты сауалнамалық сұрақтар.

Оқырмандар сайысқа белсене қатысып, алғысын білдірді.

: 16 Қазан 2023; 133

"Күз - байлық, күз - мереке" атты көрме.

: 13 Қазан 2023; 192

«Шет елде оқудың артықшылығы мен кемшілігі.. » тақырыбында пікірсайысы

Жақсы білім — бұл әрқайсымызға жақсы жұмыс тауып, жоғары табыс табу үшін қажет негіз.

Отандық білім беру деңгейі әлемдегі ең жоғары деңгейден алыс және шетелде білім алудың айтарлықтай артықшылықтары бар. Сондықтан көптеген адамдар шетелге баруға және сол жерде оқуға тырысады. Апта, ай немесе тіпті бірнеше жыл болсын – бұл тәжірибе. Ол, сіздің өміріңізді жақсы жаққа өзгертуге және бәсекелестік өте жоғары әлемде артықшылыққа ие болуға көмектеседі.

Ерте жастан бастап, айналасындағылар шетелде оқу керемет, беделді және қызықты екенін айтады. Бірақ шетелде білім алудың артықшылықтарын ғана табуға бола ма? Кемшіліктері қандай?

Міне, осы тақырыпта 9-10 сынып оқушылары «Шет елде оқудың артықшылығы мен кемшілігі.. » тақырыбында пікірсайысып, өз ойларын ортаға салды.

: 29 Қыркүйек 2023; 164

Бүгінгі таңда елімізде қарттарға арналған жүзге жуық мекеме тіркелген.

Осыған байланысты, қарттар үйінің пайдалы және пайдасыз жақтарын саралап көргеніміз жөн.

Осы тақырыпқа байланысты мектебіміздің «Парасат» ИДК ойыншыларынан құралған 9-10 сынып оқушылары «Бізге қарттар үйі керек пе?» тақырыбында пікірсайыс өткізіп, өз ойларын ортаға салды.